Wednesday, December 24, 2008

This blog is moved

Dear Readers,
Thanks very much for visiting me regularly. now onwards you can find the updates of my blog entries to http://www.mplakhlani.co.cc please update your address and feeds.

thanks for your passions and support
- Monalisa Lakhlani

Thursday, December 18, 2008

જોયુ છે ખરૂ ???

આપણે બહાર ની ઝડપી ચાલતી દુનિયા સાથે કદમ મિલાવવા એટલા બધા મશગુલ થઈ જઈએ છીએ...કે આપણા પોતાના તરફ દુર્લક્ષ સેવીએ છીએ...અને લકદાચ આપણા તરફ ધ્યાન આપીએ તો પણ બાહ્ય ચળકાટ આકર્ષક પાસા ગમે તેને દેખાડવાના પ્રયત્ન કરીએ છીએ...પણ જે જરૂરી છે પણ આકર્ષક નથી તેન પર અણગમો વ્યક્ત કરતા થઈ જઈએ છીએ. કદાચ દેખીતી રીતે આપ મારી વાત ના સમજી શ્કયા હો પણ વિસ્તાર થી કહુ તો...જે બાહ્ય રીતે સુંદર દેખાતુ હોય તે ગુણ ની દ્રષ્ટિ એ સુંદર ના પણ હોએ શકે. અને જે બાહ્ય રીતે એટલુ આકર્ષક ના હોય છતાં ગુણ ની દ્રષ્ટિ એ શ્રેષ્ઠ હોઈ શકે..

આ વાત કરતાં મને ભણવામાં આવતી એ વાર્તા યાદ આવી... એક સાબર હોય. તે નદી કાઠેં પાણી પીવા જાય છે. ત્યાં પોતનુ પ્રતિબિંબ જોઈ ને વિચારે છે કે...ભગવાને મને આટલા સરસ શિંગળા આપ્યા પણ આ પગ તો જો કદરૂપા ... આવુ વિચારતુ હતુ ત્યાં ચાર પાંચ શિયાળ નુ ઝુંડ આવ્યુ અને સબર ને શિકાર બનાવવા તેની પાછળ દોડ્યા. સાબર ત્યાંથી ભાગવા તત્પર બન્યુ તે વખતે તેને પોતના પગ જ તો કામ માં આવ્યા હતાં જે ના તરફ થોડીવાર પહેલા સબર અણગમો વ્યકત કરતુ હતું.પરંતુ જે શિંગળાપર તેને ગર્વ હતુ તે જંગલ ની ઝાડીઓ માં ભરાઈ ગયા અને પ્રયત્ન કરવા છતાં તે નીકળી નાં શક્યા. અંતે સબર શિયાળો ના હાથ માં આવી જાય છે.અંતે તેને સમજાય છે કે તેણે જે પગ પ્રત્યે આટલુ દુર્લક્ષ સેવ્યુ તે જ તેને કામ લાગ્યા અને શિંગળા ને કરણે તે લાચાર બની મોત ને ભેટ્યુ.

બસ આજ રીતે આપણે રૂપ ની દ્રષ્ટિ એ તારણ કરતા હોઈએ છીએ પણ ગુણ તરફ દુર્લક્ષ સેવતા હોઈએ છીએ. એ પછી આપણી વાત હો કે આપણા મિત્રોની કે સમાજ ની.બાહ્ય જાકજમાળ છોડી આંતરિક સુંદરતા તરફ જોયુ છે ખરૂ ???

Tuesday, December 16, 2008

ગુજરાત ગૌરવ

મારુ ગુજરાત મને રુડુ લાગે
રુદિયા માંજ જાણે વસતુ લાગે

ગાંધીની અહિંસા અર્પતુ લાગે
લોખંડી વિર ની મર્દાંનગી બક્ષતુ લાગે

નર્મદા નાં નીરને વહાવતુ રાખે
સૌને પ્રેમ થકી પોષતુ લાગે

સોમનાથ ની ગાથા ગાતુ લાગે
નટખટ નંદ ની યાદ અપાવતુ લાગે

ટેક્નોલોજી થી પ્રગતી સાધતુ ચાલે
અનોખુ સ્થાન બનાવતુ ચાલે

નરસીંહ નાં પ્રભાતિયા સાથે જાગે
મીરા ના ભજનો એ રોજ ગાયે

આભારી હું ઈશ્વર નો થઊ એવુ લાગે
ધરા ગુર્જર ની જે હરિયાળી રાખે

મહેનતુ પ્રજા અહીં મોજ કરી જાણે
મુશ્કેલી માં ખભેખભા મિલાવી જાણે

ધન્ય હો ગુર્જર તુજ અમારી માત લાગે
તુજ ચરણ માં મુજ શિષ સદા રહે.

સમણાં

રાત પડે ને શમણાં ખીલે
કોઈ અજાણ્યુ ઉર નાં દ્વારે ઉભે
ન ઓળખ છતાં વ્હાલેરુ લાગે
નથી પાસ છતાં પોતીકુ લાગે
રાત પડે ને શમણાં ખીલે
રુબરુ મળવાની આશ જાગે
ધીમે અજાણ્યુ આપણુ લાગે
વગર એના કશી અધૂરપ લાગે
વિચારતા એને ચહેરા પર સ્મિત જામે
દિલ રાજી થય જોઈ એને સામે

Monday, December 15, 2008

પ્રેમ એટલે...

  • પ્રેમ કરવો એટલે પોતાના સુખને અન્ય ના સુખ મા ભેળવી દેવુ.
  • પ્રેમ અને ભૂખ એ બન્ને બાબત મા અતિરેક થી બચતા રહો
  • પ્રેમ આંધળો છે એમ જેણે કહ્યુ છે તે સાવ ખોટાળો છે. ખરેખર તો એક માત્ર પ્રેમ જ અત્યંત ઝીણવટ ભરી નજરે એકમેક ને જોવાની સુવિધા કરી આપે છે.
  • પ્રેમ આંધળો છે એમ કહેવુ તે પ્રેમ ની બદનક્ષી છે. જુઠ્ઠાણુ છે. પ્રેમ ને ટપી જાય એવુ કોઇ તત્વ નથી. જે આટલુ દીર્ઘ દ્રશ્ટિયુક્ત હોય, આટલુ સંવેદનશીલ હોય, સામા ની લગણી ને અંત:સ્ફૂરણાના કેવળ એક જ ઝબકારા થી પરખી લઇ શકે છે.
  • આપણે પ્રેમ એટલા માટે કરીએ છી કે એક્માત્ર પ્રેમ જ સાચુ સાહસ છે.
  • પ્રેમ ની શ્રેષ્ઠ સાબિતી છે વિશ્વાસ.
  • પ્રેમ એ સ્વાર્થ ની સાકળી સીમાઓથી મુક્ત કરાવતુ હ્રદયનુ શુધ્ધીકરણ છે, તે ચારિત્ર્ય ને સુદ્ર્ઢ અને ઉમદા બનાવે છે, જીવન ના પ્રત્યેક કાર્ય ને વધુ ઉચુ ધ્યેય અને વધુ ઉમદા હેતુ બક્ષે છે, તથા સ્ત્રી અને પુરુષ ને વધુ મજબુત બનાવે છે.
  • પ્રેમ કદી ગણતરી કરતો નથી પણ ખોબલે ખોબલે આપે છે અને છતાય ડરતો રહે છે કે આટલુ ઓછુ આપ્યુ છે તેથી નહી સ્વીકારાય તો...
  • પ્રેમ નહી કરવા કરતા તો પ્રેમ પામી ને ફના થઇ જવુ બહેતર છે.
  • પ્રેમ એ શીખવાની બાબત છે.
  • પ્રેમ કદી ફોગટ જતો નથી. જો એને પ્રતિસાદ ન સાંપડે તો એ પાછો વળે છે અને પ્રેમ કરનાર ના પોતાના હદય કૂણુ કરવાની સાથોસાથ પરિશુધ્ધ પણ કરે છે.
  • આપણે જેને ચાહીયે છીએ તે જ આપણને ઘાટ આપે છે અને નવસંસ્કાર બક્ષે છે.
  • આપણી આ જીદગી પ્રેમ ની પ્રથમ પ્રતિતી થી ચઢીયાતી કોઇ પાવક ચીજ નથી.
  • જીવન નો સૌથી મહાન આનંદ એટલે પ્રેમ.
  • આપણી સઘળી સંપદાઓનો સરતાજ એ પ્રેમ છે.
  • પ્રેમ એ ઇશ્વરની છબી છે.
  • તમને કોઇ ન ચાહતુ હોય તો ખાતરી થી સમજી લો કે એમા વાક તમારો પોતાનો જ છે.
  • પ્રેમ નો બદલો પ્રેમ.
  • પ્રેમી કરતા પ્રેમ કદી બહેતર હોતો નથી.
  • વેઠવાની વાત થી પ્રેમ નુ માપ નીકળે છે.
  • માગ્યો મળે તે પ્રેમ જરૂર સારો છે પણ વણમાગ્યે જ મળી જાય તે વળી બહેતર છે.
  • પ્રેમ પ્રાપ્ત કરવા કરતા કોઇ ચઢીયાતી ચીજ હોય તો તે છે આપણે પોતે કોઇને ચાહવુ.
  • પ્રેમ કરો અને તમે પ્રેમ પમશો.
  • How shall I do love? Believe. How shall I do believe? Love.
  • The first symtom of love in a young man is timidity; In a girl is its boldness.
  • તમે સદા એને ચાહો કે જે તમને ચાહતા હોય એને નહી જેને તમે ચહતા હો.
- સંકલીત

Sunday, December 14, 2008

મહેંદી

લીલેરી પોતે ને રંગ આપે રાતો
નવવધુ નો મહેંદી સંગ અનેરો નાતો

કુવારિકાઓ ના વ્રત ટાણે મહેંદી
એના હાથને શોભાવે
અનેક સૌંદર્ય સાધનોમા મહેંદી
એનુ અનોખુ સ્થાન ધરાવે

અનેક વસ્તુઓ પરંપરાગત રીતે ચાલી આવતી હોય છે. જેમાની એક કહી શકાય "મહેંદી". પહેલા ના સમય માં જ્યારે આજના જેટલા સૌંદર્ય પ્રસાધનો ન હતા ત્યારે કુદરતી વસ્તુઓનો શ્રુંગાર તરીકે ઉપયોગ કરવામા આવતો હતો.. બદલાતા સમય સાથે તેમા ફેરફાર થયો પરંતુ મહેંદી નુ સ્થાન તો અનન્ય જ રહ્યુ. મહેંદી ના છોડ પરના પાંદડા ને પીસીને તેનો ઉપયોગ કરવામા આવતો. આજે મહેંદી ના પેકેટ બજાર મા ઉપલબ્ધ છે. જેમ કે મિલન મહેંદી, બ્રાઇડ હિના, હર્બલ મહેંદી વગેરે. જેને પાણી મા પલળી કોન બનાવવામા આવે છે. આજે તો તૈયાર કોન પણ મળે છે જેમા અમુક જાતના દ્રવ્યો (કેમિકલ) પણ ઉમેરેલા હોય છે જેથી ઘેરો રંગ આવે છે. પરંતુ ઘણી વાર તે ત્વચા માટે નુકશાન કારક પણ હોય છે.

જ્યારે પહેલા ના સમય મા કોન ન હતા ત્યારે સાવેણા ની સળી વડે મહેંદી મુકવામા આવતી. નહિતર આગળી ના ટેરવા વડે મહેંદી મુકાતી જે બહુ પ્રચલીત હતી જ્યારે આજે જોઇએ તો મહેંદી માટે અરેબિયાન, દુલ્હન મહેંદી, શેડેડ મહેંદી, સ્ટોન વાળી મહેંદી, સ્પ્રીંગ મહેંદી ,કલર મહેંદી જેમા બ્લેક, સ્પાર્કર, કલર મહેંદી ,ઝીણી કલર, રજસ્થાની કલર મહેંદી, જેવી મહેંદીઓ પ્રચલીત થઇ છે. ડાઇ વાળી કલર મહેંદી જેમા હૈર ડાઇ ની બોર્ડર બાંધી ને સાદી મહેંદી અંદર પુરવા માં આવે છે. જે સારી તો લાગે છે પરંતુ ત્વચા માટે નુકશાનકારક છે. પહેલા આપસુઝ થી આકારો કોતરવા મા આવતા અને આજે સ્પેશિયલ ક્લાસિસ થાય છે અને ખાસ મહેંદી માટે બુક પણ પબલિશ થાય છે. જેમ કે મહેંદી અરેબિયન, મહેંદી, મહેંદી શીખો વગેરે… જેમા ભાત ભાત ની ડિઝાઇનો આપેલી હોય છે. હાથ અને પગ ની મહેંદી. અત્યારે તો ખાસ પ્રસંગ માટેની ખાસ મહેંદી હોય છે. જેમ કે નવ વધુ માટે હાથ ની મહેંદી માં ઢોલ શરણાઇ અને ડોલી વગેરે નો સમાવેશ થાય છે. અત્યારે ફક્ત હાથ અને પગ પરજ મહેંદી સિમીત રહી નથી. બલ્કે પીઠ પર ,ખભા પર, બાહુ પર અને નાભી પર મહેંદી મુકવામા આવે છે.

કલર વાળી મહેંદી માટે સ્પાર્કર ટ્યુબ પણ વિવિધ કલર વાળી આવે છે. સાથે જળતર પણ એમા મુકી શકાય તેવી મહેંદી મેગા સિટિઓમા સેલિબ્રીટી માટે બહુજ પ્રચલીત છે. હાલ વિવિધ ટેટુઝ (Tetoos) પ્રખ્યાત થયા છે. તે મહેંદીનુ જ નવુ રૂપ છે. વિવિધ જગ્યાએ ટેટુઓ લગાડવામા આવે છે. સ્ત્રીઓ તો શું પણ પુરુષો પણ ટેટુ પોતાના શરીર પર લગાડે છે. ભલે નિતનવા સ્વરુપો આવે પણ old is gold ની ભાતી મહેંદી તેનુ સ્થાન ટકાવી રાખવામાં શફળ ગઈ છે. લગ્ન માં પણ ખાસ મહેંદી મુકવામાં આવે છે. બ્લકે એક દિવસ ખાસ મહેંદી તરીકે રાખવામાં આવે છે તેમાં બધાં મહેંદી મુકે છે ગીતો ગાય છે અને નાચગાન કરે છે.વિવિધ ફિલ્મો માં પણ મહેંદી ના ઘણા ગીતો છે જેમકે મહેંદી ટુટ કે ડાલી સે હાથો મે બિખર જાતી હે... અરે એક ફિલ્મ નુ તો નામ પણ ‘મહેંદી’ રાખાવામા આવ્યુ છે. હાલ ઘણી સિરિયલો મા પણ મહેંદી ની રસમ ચાર પાંચ એપિસોડ સુધી ચાલતી હોય છે. એક સિરિયલ પણ મહેંદી ના નામ પર હતી. ‘મહેંદી તેરે નામ કી’. હાલ જ નહી પરંતુ પહેલા ના સમય ના લોકગીતો મા પણ મહેંદી નો ઉલ્લેખ થતો હતો. જેમકે
“મહેંદી તે વાવી મકવે ને એનો રંગ ગયો ગુજરાત રે! મહેંદી રંગ લગ્યો.”

બદલતા સમય સાથે મહેંદી આજ પણ ટકી રહી છે. તેમા થોડા ઘણા ફેરફારો જરૂર થયા છે પણ તેનુ સ્થાન તો અકબંધ જ રહ્યુ છે.

Saturday, December 13, 2008

લગ્ન ના અર્થ્...

  • પ્રિયતમા માટે મરી જવાનુ સહેલુ છે તેની સાથે પુરી મુદત સુધી જીવવાનુ મુશ્કેલ હોય છે.-પૂરી મુદત સુધી સાર્થક રીતે અને શોખ થી જીવવુ એજ લગ્ન.
  • લગ્ન સારી રીતે ચલાવવા માટે નાં પરસ્પરનાં સહકાર નુ ઉન્નત સ્વરુપ એટલે પરસ્પરની આજ્ઞાંકિતતા
  • ફેફસા બે છે પણ શ્વાસ એક છે તેમ લગ્ન માં પણ બે વ્યકતી છે પણ જીવન એક છે તેમ ગણીને જ માનવ જીવી શકે અને તોજ તે લગ્ન ને ચલાવી શકે. ઘણા લગ્ન ને માત્ર નિભાવી જાણે છે.પણ લગ્ન ને ખરેખર ચલાવવુ અને શોભાવવુ એ મહત્વ ની બાબત છે.
  • લગ્ન એક એવુ ખોળિયુ છે જેમાં બે આત્મા નાં તમામ સાક્ષાતકારો ને માધ્યમ મળે છે.
  • લગ્ન એ સ્નેહ નો સંબંધ છે શંકા અને જાસૂસી નો નથી લગ્ન કોઈની સલાહ થી ચાલતુ નથી તે દંપતી ની પોતાની શુભ ચેષ્ઠાઓ અને શુભ નિષ્ઠા થી ચાલે છે
  • પરસ્પર ને પૂરક બનીને જીવન જીવવાની કળા એટલે લગ્ન સાર્થકતા.
  • લગ્ન એટલે જ સહકાર.
  • સ્ત્રિ કે પુરુષ એક ક્યારે રોપાય એનુ નામ લગ્ન. જીવન ના એકજ ક્યારા માં એકબીજાનો આધાર બનીને જીવવુ એ કેટલુ સુખદ હોય છેએક્બીજાની સાથે રહી ને એકબીજા માટે જીવવુ એટલે જ લગ્ન.
  • લગ્ન જેમાં દલીલો ને અવકાશ જ ના હોય અને સમજવાની કોશિશ નુ જ મહત્વ હોય છે.
  • લગ્ન વિશે ઘણા જ પુસ્તકો લખાયા છે જેમાં ના કેટલાક પુસ્તકો ની વિગત નીચે રજુ કરુ છુ:
    • લગ્નમંડળ
    • લગ્નસાગર
    • લગ્નસૌરભ
    • લગ્ન જીવન
    • સંસાર રામાયણ
    • MARRIGE 24x7